Inprimaketa

Euskalinpri orain dela ia 40 urte sortu zen Deban inprimategi gisa, inguruko enpresei eta partikularrei soluzio grafikoak emateko: inprimaketa, fotokopiak, koadernaketak eta abar.Ordutik, hamarkada hauetan benetako iraultza teknologikoa izan dugu, baina gure espiritua orduko bera da: soluzio grafikorik onena ematen laguntzea.

Euskalinprin esperientzia handia duen eta edozein eratako formatu eta estilotako proiektuei aurre egiteko gai den lantaldea aurkituko duzu.Zerbitzu arina, kalitatezkoa eta neurri-neurrikoa eskaintzen dugu.

Offset inprimaketa eta inprimaketa digitala Deban 

Ez gara inprimatzera mugatzen, zure komunikazio-premietara eta zure behar ekonomikoetara ongien egokituko den aukera bilatuko dugu. Zure mezua diseinatu eta formatu ezberdinetara moldatuko dugu. Denbora guztian lagunduko dizugu aholku grafikoa eta teknikoa emanez (paper-mota, akabera bereziak, eta abar).

Offset inprimaketa ale-kopuru handietarako da egokia, aleko prezioa ekonomikoagoa baita. Offset inprimaketarekin inprimatze-lanak paper berezietan egin daitezke, eta era guztietako tintak erabiliz. 

Inprimaketa digitalarekin lan pertsonalizatuagoak eskain ditzakegu, kalitate-prezio erlaziorik onenarekin katalogoen, liburuxken, kartelen eta abarren inprimaketan.

Zer egin dezakegu zuri laguntzeko?

• Liburuxken diseinua eta inprimaketa
• Katalogoen diseinua eta inprimaketa
• Kartelen diseinua eta inprimaketa
• Administrazioko paperen diseinua eta inprimaketa
• Formatu handiko diseinua eta inprimaketa
• Etiketen diseinua eta inprimaketa